სვანეთის გზის 9–კილომეტრიანი მონაკვეთის რეაბილიტაციისთვის 22–მილიონიანი ტენდერი ცხადდება

თბილისი (GBC) - რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი 21.7 მლნ ლარის ღირებულების ტენდერს აცხადებს. ტენდერი გულისხმობს (შ-7) ზუგდიდი-ჯვარი-მესტია-ლასდილის საავტომობილო გზის კმ 97 - კმ 110 მონაკვეთზე დარჩენილი სარეაბილიტაციო სამუშაოებს.

ტენდერში წინადადებების მიღება 31 აგვისტოს იწყება და 5 სექტემბერს 12:00 საათზე სრულდება.

დოკუმენტაციის მიხედვით, სარეაბილიტაციო მონაკვეთის სიგრძე შეადგენს 8.6 კმ-ს.

პროექტით მიღებული ტექნიკური პარამეტრები შემდეგია:

მიწის ვაკისის სიგანე  -8მ; სავალი ნაწილის სიგანე - 6მ; გვერდულის სიგანე -1მ; საანგარიშო სიჩქარე -40კმ/სთ.

პროექტის შესრულების ვადად განსაზღვრულია 14 თვე, საგარანტიო ვადად კი 2 წელი.

ტენდერის მოთხოვნების მიხედვით, კანდიდატს უნდა ჰქონდეს ანალოგიური ხასიათისა და ტიპის, ერთი ხელშეკრულების ფარგლებში დასრულებული სამუშაო, მინიმუმ 10.8 მლნ ლარის (აღნიშნული ტენდერის 50%) ღირებულებით. ან სამი შესრულებული სამუშაო, მიმდინარე ტენდერის 60%-ის ღირებულების.

 

წყარო: gbc.ge