რა ღირს საწვავი ევროპის ქვეყნებსა და საქართველოს სამეზობლოში?
ნავთობპროდუქტების იმპორტიორთა კავშირი ევროპასა და საქართველოს მეზობელ ქვეყნებში საწვავის ფასების შესახებ ინფორმაციას ავრცელებს.
მათი ცნობით, ბოლო ორი კვირის განმავლობაში ევროპაში A-95 მარკის ბენზინის ფასი 0,02 ევროთი, ლიტრზე 1.53 ევრომდე გაიზარდა, დიზელის საწვავის საშუალო ფასიც ასევე 0.02 ევროთი, ლიტრზე - 1.54 ევრომდე.
ევროპის ქვეყნებში ყველაზე ძვირი საწვავი ნიდერლანდებში, ნორვეგიაში და ფინეთშია. ამ ქვეყნებში საწვავის ფასი დაახლოებით 25-30%-ით აღემატება ევროპის სხვა ქვეყნების საშუალო ფასებს.
29 თებერვლის მდგომარეობით, A-95 მარკის პრემიუმ ტიპის ბენზინის საშუალო ფასი ნიდერლანდებში €2.17-ა, ნორვეგიაში - €1.95, ფინეთში კი - €1.88 ევრო.
რაც შეეხება A-98 სუპერ ტიპის ბენზინს, მისი ღირებულება ლიტრზე ნიდერლანდებში €2.31-ია, ნორვეგიაში - €2.11, ხოლო ფინეთში - €1.98. დიზელის ფასები კი, შესაბამისად, € 1.97, €1.90 და €1.92-ია.
საწვავი ყველაზე იაფი რუსეთში ჯდება - A-92 მარკის ბენზინი - €0.51 ღირს, A-95 მარკის ბენზინის ფასი - €0.55 ევროა, A-98 მარკის ბენზინის - €0.65 ევრო, დიზელის საწვავის ფასი კი €0.65 ევროა.
რაც შეეხება საქართველოს, საწვავის ფასი ბრენდირებულ ავტოგასამართ სადგურებზე შეადგენს - A-92 მარკის ბენზინი - €1.03 ევრო, A-95 მარკის ბენზინის ფასი - €1.10 ევრო, A-98 მარკის ბენზინი - €1.25 ევრო. დიზელის საწვავი - €1.16;
საწვავის ღირებულება ჩვენი რეგიონის ქვეყნებში კი ასე გამოიყურება:
სომხეთში - 1 ლიტრი A-92 მარკის ბენზინის ფასი შეადგენს - €1.12-ს, A-95 მარკის ბენზინი - €1.21 , A-98 მარკის ბენზინი - €1.72. დიზელის საწვავი - €1.24;
აზერბაიჯანში - A-92 მარკის ბენზინი -€0.54, A-95 მარკის ბენზინის ფასი - €1.09, A-98 მარკის ბენზინი - €1.25. დიზელის საწვავი - €0.44;
უკრაინაში - A-92 მარკის ბენზინი - €1.169 , A-95 მარკის ბენზინის ფასი - €1.25, A-98 მარკის ბენზინი - €1.33, დიზელის საწვავი - €1.26;
თურქეთში - A-95 მარკის ბენზინის ფასი - €1.20, A-98 მარკის ბენზინი - €1.21, დიზელის საწვავი - €1.25;
მოლდოვაში - A-92 მარკის ბენზინი - €1.28, A-95 მარკი ბენზინის ფასი - €1.29, A-98 მარკის ბენზინი - €1.54, დიზელის საწვავი - €1.18;
ბელორუსიაში - A-92 მარკის ბენზინი - €0.64, A-95 მარკი ბენზინის ფასი - €0.67, A-98 მარკის ბენზინი - €0.73 ევროს, დიზელის საწვავი - €0.67.
წყარო: bm.ge