ბიუჯეტის შემოსავალი ავტომობილების განბაჟებიდან შემცირდა

2024 წლის პირველ 5 თვეში საქართველოს ბიუჯეტში ავტომობილების განბაჟებიდან 114 მილიონი ლარი შევიდა. აღნიშნული თანხა 2023 წლის ანალოგიურ პერიოდთან შედარებით 1.5 მილიონი ლარით ნაკლებია - ამის შესახებ ბიუჯეტის შესრულების 5 თვის ანგარიშიდან ირკვევა.

საგადასახადო კოდექსის მიხედვით, ავტომობილების განბაჟების საფასური დამოკიდებულია მის გამოშვების წელზე, ძრავის მოცულობასა და მის ტიპზე. ამასთან, 6 წლამდე ჰიბრიდული ავტომობილებისთვის განაკვეთი 60%-ით მცირდება, ხოლო ელექტრომობილები განბაჟების გადასახადისგან გათავისუფლებული არიან.

ავტომობილების განბაჟებიდან მიღებული შემოსავლის კლება შესაძლოა ქვეყანაში ავტოიმპორტის კლებასთან იყოს დაკავშირებული. 2024 წლის პირველ 5 თვეში საქართველოში 967 მილიონი დოლარის ღირებულების ავტომობილები შემოვიდა, რაც წინა წელთან შედარებით 23%-ით ნაკლებია, ხოლო ავტოექსპორტმა 740 მილიონი დოლარი შეადგინა, რაც წლიურად 7%-ით არის შემცირებული. შესაბამისად, უშუალოდ საქართველოში აღნიშნულ პერიოდში (სხვაობა იმპორტსა და ექსპორტს შორის) 227 მილიონ დოლარს შეადგენდა, ავტომობილების რაოდნეობა კი 28,600 იყო.

 

წყარო: bm.ge