შვედი ავტომწარმოებელი მზის პანელებზე მომუშავე სატვირთოებს ტესტავს

ევროპის სატრანსპორტო სექტორი კონტინენტის ნახშირბადის ემისიების 25%-ზეა პასუხისმგებელი, დიდ გაბარიტიანი სატვირთო ავტომობილები კი საავტომობილო ბაზრის მნიშვნელოვან წილს იკავებენ.

აღსანიშნავია ისიც, რომ სურსათისა და სხვა ტვირთის გადაზიდვის შეზღუდვა წარმოუდგენელია, რადგან ამ პროცესს საკვებისა და სხვა პირველადი მოხმარების პროდუქტების დეფიციტამდე მივყავართ.
შვედურმა ავტომწარმოებელმა “Scania” ამ გამოწვევის საპასუხოდ რამდენიმე გზას განიხილავს. როგორც კომპანიის წარმომადგენელი Euronews-თან აღნიშნავს, ერთ-ერთი საშუალება, რომლითაც ტრადიციული, შიდა წვის ძრავზე მომუშავე სატვირთოების ჩანაცვლებაა შესაძლებელი, მზის ენერგიაზე მომუშავე ტრანსპორტია.

ერიკ ფალკგრიმის თქმით, უკვე არსებობს ელექტროსატვირთოები, რომელთა წარმოებაც 10-15 წლის წინ ზედმეტად ძვირი ჯდებოდა, თუმცა დროთა განმავლობაში ბევრისთვის უფრო ხელმისაწვდომი გახდა. Scania-ს წარმომადგენელი აღნიშნავს, რომ მზის ენერგიაც დროთა განმავლობაში უფრო ეფექტური და ხელმისაწვდომი ხდება, რის გამოც კომპანია ამ მიმართულებით მუშაობას იწყებს. მზის ჰიბრიდული სატვირთოები შვედეთში ტესტირებას ამ მომენტშიც გადის და ეს პროცესი 2024 წლის განმავლობაშიც გაგრძელდება.

წყარო: bm.ge