დიდთოვლობის გამო, ბორჯომი-ბაკურიანი-ახალქალაქის გზის მონაკვეთზე მოძრაობა აიკრძალა
საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, დიდთოვლობის გამო, შიდასახელმწიფოებრივი მნიშვნელობის ბორჯომი-ბაკურიანი-ახალქალაქის საავტომობილო გზის კმ31-კმ63 (ანდეზიტი-ღადოლარი) მონაკვეთზე აკრძალულია ყველა სახის ავტოტრანსპორტის მოძრაობა.
საავტომობილო მოძრაობა შეზღუდვებით ხორციელდება ასევე ჟინვალი-ბარისახო-შატილის გზის რამდენიმე მონაკვეთზე. ამ შემთხვევაშიც მიზეზი თოვაა, რასაც ზვავსაშიშროება ემატება.
წყარო: bm.ge